A área sanitaria de Lugo roza o milleiro de casos activos de coronavirus: son 992, 47 máis ca onte, segundo o reconto ofrecido este venres polo Servizo Galego de Saúde (Sergas). Nas últimas 24 horas confirmáronse 75 novos positivos a través de PCR.
Dos 945 contaxiados, 35 permanecen ingresados (+1). O Hospital da Mariña atende 14 pacientes con Covid-19, por 16 o HULA -os tres da área sanitaria en coidados intensivos- e cinco o centro hospitalario de Monforte.
No histórico da provincia documentáronse 151 falecementos, 6.918 altas e 8.065 casos acumulados desde o inicio da pandemia. Fixéronse 138.110 PCR, 963 probas desde a anterior actualización de datos.
No tocante á situación epidemiolóxica por municipios, a alza dos positivos confirmados nos últimos 14 días continúa en Viveiro (238, +12 respecto ao anterior reconto), mentres que en Xove apenas varía, dos 113 comunicados onte aos 110 actuais. Ambos municipios manteñen as restricións máis altas entre as aplicadas desde a pasada medianoite pola Xunta de Galicia.
En Burela, os contaxios localizados nas últimas dúas semanas baixan a 50 (-2); en Ribadeo cóntanse 25 (seis máis) por 18 en Cervo (sen variacións). O resto dos municipios da Mariña teñen menos de dez casos detectados nese mesmo período; Lourenzá é o único concello da comarca libre de Covid-19.
RESIDENCIAS
MAIORES
36 Residencia da Pastoriza
3 Residencia de Maiores de Burela
12 Residencia Hospital Asilo San Sebastián e San Lázaro (Ribadeo)
2 Apartamentos Tutelados San Bartolomeu de Xove
18 Residencia San Bartolomeu de Xove
TRABALLADORES
19 Residencia da Pastoriza
1 Residencia de Burela
2 Domusvi Chantada
1 Residencia de Foz
1 Residencia Albertia Lugo
1 Domusvi Monforte
5 Residencia Hospital Asilo San Sebastián e San Lázaro (Ribadeo)
1 Residencia de Trabada
1 Residencia Domusvi Viveiro
11 Residencia San Bartolomeu (Xove)
